UJASIRIAMALILI

Mjasiriamali ni mtu mwenye uthubutu, asiyeogopa kushindwa

na mwenye maamuzi binafsi ambaye ameamua kuingia kufanya

kazi halali inayomuingizia kipato chake binafsi kwa kutumia

ujuzi wake, fedha zake, utaalamu wake n.k. Ni mtu mwenye upeo

wa kuona nafasi (fursa) haraka na kuitumia. Huyu mara zote

hufananishwa na mchezaji ambaye hapotezi nafasi anayoipata.

Kifupi ni mtu wa maamuzi na uthubutu bila kusubiri.

Mtu huyu hana tabia ya kugeuka nyuma na kuangalia alipotoka,

au nini watu wanasema kumkatisha tamaa, lakini yeye huangalia

kesho yake itakavyokuwa nzuri, kuliko leo yake ambayo watu

wanambeza na kumkatisha tamaa juu ya wazo alilonalo.

Sifa za mjasiriamali

Mjasiriamali huwa ana sifa za kipekee zinazomtofautisha na

mwingine. Habari njema ni kuwa sifa hizi hatuzaliwi nazo. Sifa

hizi tunazitengeneza wenyewe kwa kwa kujifunza kupitia vyanzo

mbalimbali.Zifuatazo ni baadhi ya sifa za Mjasiriamali;

                     

                  1. Mjasiriamali ni kiongozi

Walimu wengi wamekuwa hawafundishi hii kama sifa ya

mjasiriamali lakini hii ni moja ya sifa muhimu anayopaswa kuwa

nayo mjasiriamali. Mjasiriamali kwanza lazima awe kiongozi wa

maisha yake. Ajue kujisimamia mwenyewe na kusimamia mambo

yake yeye kama yeye bila kusubiri mtu kutoka nje. Mjasiriamali

ni lazima ajue kuiongoza biashara yake lakini hasa kuwaongoza

watu anaofanya nao kazi kama wapo.

2. Mjasiriamali ni mwenye uwezo wa kufanya maamuzi

binafsi

Mtu yeyote mwenye sifa ya kuwa mjasiriamali ni lazima awe

na sifa hii ya kuwa na maamuzi katika maeneo mbalimbali hasa Mwongozo wa Biashara

maamuzi juu ya jambo fulani ambalo analiona kwake lina faida.

Ni mtu asiyechelea kutumia kila fursa anayoiona.

3. Mjasiriamali ni mtu mwenye bidii (Anayejituma)

Mjasiriamali ni lazima awe ni mtu anayejituma na ambaye

ameachana kabisa na tabia ya uvivu. Kwake yeye kufanya kazi

kwa bidii ni sehemu ya maisha yake na anafahamu vyema kuwa

kama akilala hata ujasiriamali wake utalala pia.

4. Mjasiriamali ni mtu asiyekata tamaa

Ni lazima mjasiriamali yeyote awe na moyo wa kutokata tamaa

hata kama anapitia katika changamoto gani. Ni mtu anayeangalia

mbele tu na hata hafikirii juu ya changamoto na maneno ya

kukukatisha tamaa ya watu. Kwake yeye changamoto humpa

kujifunza na kuendelea kuwa bora kwa kila anachokifanya.

5. Mjasiriamali ni mtu anayetumia kile alichonacho

mkononi

Mjasiriamali ni lazima awe mtu wa kutumia kile alichonacho

mkononi. Mjasiriamali huwa hasubiri mtaji wa laki moja wakati

ana elfu thelathini mkononi. Hufikiri namna ya kutumia elfu

thelathini wakati akisubiri mtaji wa shillingi elfu hamsini.

6. Mjasiriamali ni mwenye kiu ya ndani ya kufanikiwa

Mjasiriamali ni lazima awe na msukumo wa ndani wa kuona

kuwa atafanikiwa kwa chochote anachokifanya. Msukumo

huu ndio humfanya kuamka mapema na kufanya vile anaweza

kufanya bila kuangalia wanaomkatisha tamaa.

7. Mjasiriamali ni mbunifu

Mjasirimali ni lazima aweza kufanya kwa utofauti na kuleta vitu

vipya ili kuongeza tija katika kile anachokifanya. Mjasiriamali ni

lazima awe na uwezo wa kujiongeza na kuonesha utofauti katika

kile anachokifanya.

8. Mjasiriamali ni mgunduzi

Mjasiriamali ni mtu anayepaswa kufanya vitu vipya ambavyo

havijawahi kutokea. Ni mtu anayetumia muda mwingi kutafuta

vitu ambavyo havijawahi kutokea

HIVI NI BAADHI MINGONI MWA VITU UNAVYOTAKIWA KUFAHAMU KUHUSU UJASIRIAMALI.